Ресейдің экс-президенті Борис Ельциннің күйеу баласы Валентин Юмашев Ресей президенті Владимир Путиннің кеңесшісі қызметінен кетті, – деп хабарлайды Reuters агенттігі.
Агенттік Юмашевтың өзінен және Ресей президентінің баспасөз хатшысы Дмитрий Песковтан жауап ала алмаған.
Ельцин орталығы атқарушы директорының орынбасары Людмила Телен РИА Новостиге Юмашевтың сәуір айында қызметінен өз еркімен кеткенін айтқан.
«Юмашев осыған дейін өз өтініші бойынша президент кеңесшісі қызметін атқарды. Сәуір айынан бастап ол кеңесші қызметінен өз еркімен кетті», – деді Телен.
1997-1998 жылдары Юмашев Ресей президенті Борис Ельцин әкімшілігінің басшысы болған. Кейін Ельциннің қызы Татьянаға үйленді.
Юмашев Путиннің ерікті кеңесшісі екені 2018 жылы белгілі болды.
