Қазақстанда жаңа көліктер 1 жылда 12 пайызға өсті. Бұл – ел автопаркіндегі жалпы көліктердің 14 пайызға жуығын құрап отыр, деп хабарлайды Еnergyprom.kz сайты.
Алайда ел жолдарында жүрген ескі көліктер әлі деп көп: автопарктің жартысындағы көліктердің жүргеніне 20 жылдан асып кеткен. Жасы 10 жылдан асқан жеңіл автокөліктер жыл басында жалпы парктің 63,4%-ын құрады. Бұдан бір жыл бұрынғы көрсеткіш 64,5% еді.
Бұл бір жыл бұрынғыдан 3,5%-ға аз, яғни 2,4 млн автокөлік. Осы ретте жаңа автокөліктердің үлесі (үш жылдан аз) бір жылда 12%-дан 13,6%-ға жеткен. Яғни 516,8 мың «темір тұлпар». Қазақстан жолдарында тіркелген жеңіл автокөліктердің саны бір жылда 1,9%-ға азайып, 2022 жылдың басына қарай 3,8 млн-ды құраған.
