Қазақстанда күзге қарай қант бағасы 1000 теңгеге дейін көтерілмек, деп хабарлайды Stan.kz ақпарат агенттігі «Хабар 24» телеарнасына сілтеме жасап.
Қазір Ақтөбеде қанттың келісінің ең төменгі бағасы 670 теңгеден. Алматы дүкендерінде қант 700 теңгеден сатылуда. Оралдың сөрелерінде дәл осындай баға. Елордалық сатушылар келісінің бағасын 750 теңге деп белгіледі. Шымкент пен Қостанайда қант шамамен 800 теңгеден сатылуда.
Қант тапшылығына, өңірлерде бір адамға 2-3 келіден артық қант сатылмай жатыр.
Дегенмен, ауыл шаруашылығы министрлігі елде қанттың бар екенін, бұл мәселе үкіметтің бақылауында екенін мәлімдеді. Зауыттарда өндіріс тоқтаған жоқ, аймақтарды қантпен үздіксіз қамтамасыз етілуде.
Биыл Қазақстан қант қызылшасы аз мөлшерде, нақтырақ айтқанда 12 мың тонна егілген. Қалыптасқан жүйе мен тиісті қолдау болмаса, диқандар егінді көбейтуге мүдделі емес. Оларға соя өсіру әлдеқайда тиімді және оңай.
Қант қызылшасын өндіруге байланысты шаруалардың өздерінде күрделі мәселелер бар. Суға қатысты маңызды мәселе туындап отыр. Өйткені қант қызылшасы ылғалды жақсы көретін дақыл. Біз әлі де 90 пайыз импортта тұқымға тәуелдіміз. Біз қант қызылшасын өз бетінше іріктеу үшін күрделі жұмысты жолға қойған жоқпыз. Біз лайықты технологияларды қамтамасыз ете алмадық, өйткені біздің суару әлі ретке келтірілмеген. Ал, бұл салаға жақсы инвестиция қажет», – деді «Атамекен» ҚР ҰКП Агроөнеркәсіптік кешен және тамақ өнеркәсібі департаментінің директоры Ербол Есенеев.
