Қасым-Жомарт Тоқаевты өңір орталығы Жезқазған қаласында Ұлытау және Қарағанды облыстарының әкімдері Берік Әбдіғалиұлы мен Жеңіс Қасымбек күтіп алды, деп хабарлайды Stan.kz ақпарат агенттігі.
Президент баспасөз қызметінің мәліметіне қарағанда, Қасым-Жомарт Тоқаевқа аймақ әкімі Ұлытау облысы мен Жезқазған қаласын дамыту жөніндегі жоспарын таныстырады.
Түстен кейін Президент Жошы хан тарихи-мәдени кешеніне барып, Ұлттық құрылтайдың алғашқы отырысына қатысады.
Айта кетейік, бұған дейін Қасым-Жомарт Тоқаев Қасым-Жомарт Тоқаев Ұлттық құрылтай құру туралы жарлыққа қол қойған еді. Бұл туралы Мемлекеттік кеңесші Ерлан Қарин айтқан. Мемлекет басшысы Ұлттық құрылтайдың құрамы мен ережесін де бекітті.
