Соңғы жылдары елімізде кенже қалған детектив жанры қайтадан жанданып келеді. Мәселен «Заңмедиакорпорациясы» биыл алтыншы жыл қатарынан детектив шығармалары байқауын өткізгелі отыр. Тіпті бірнеше жыл редакция қоржынына жиналған үздік детектив шығармаларды жинақтап «Шытырман» детектив шығармалар жинағын да басып шығарды.
Бірнеше жылдан бері детектив шығармаларына әділқазы болып, біршама тәжірибе жинақтаған «Заңмедиакорпорациясының» Президенті Досымбек Өтеғалиев ҚазҰУ студенттеріне детектив жанрынан шеберлік сабағын өткізді. «Детектив – ең оқылымды жанр» тақырыбындағы шеберлік сабағына филология факультетінің ғана емес, заң факультетінің де студенттері қызығушылық танытты.
