Қазақстандықтар республиканың шығысында 20 ақпанда таңертең ауа температурасы минус 50 градусқа дейін төмендегені туралы хабарлама таратып жатыр, – деп хабарлайды Tengrinews.kz тілшісі.
Ақпаратқа қарағанда, таңғы сағат 05:05-те Алтайда (бұрынғы Зырян) ауа температурасы минус 50 градусқа дейін төмендеген. Бұл минус 57 градус болып сезілетіні көрсетілген.
«Қазгидромет» ақпаратқа қатысты жауап берді.
«20 ақпанға қараған түні Зырян метеостанциясында ауаның ең төменгі температурасы 47,3 градус аяз болды», – деп хабарлады синоптиктер.
Бұл өткен түндегі Қазақстандағы ең төменгі температура екені атап өтілді.
