Жұлдызды жұп бір-бірін толықтыратынын, олар әрқашан бірге болуға мүдделі екенін атап өтеді. AZ лақап атымен танымал Ninety one тобының экс-солисі Азамат Зенкаев пен Ерке Есмаханның романы туралы көптен бері айтылып жүр.
Танымал жұп қарым-қатынастары туралы алғаш рет «Таңшолпан» бағдарламасында пікір білдірді, деп жазады stan.kz.
Жақында жұп алғаш рет қол ұстасып бірге көрінді. Осылайша, ғашықтар қарым-қатынасының бар екенін көрсетті. Жас айырмашылығына қарамастан, жастар бақытты. Ерке мен Азамат AZ бейнебаянының тұсаукесері құрметіне кеш өткізіп, Ерке әйелдер мен қыздарға арналған күнделігін де сыйға тартты. Жұлдызды қонақтар арасында өткен аукционнан күнделік миллион теңгеге сатылды. Азамат атап өткендей, Ерке екеуі бір-бірін толықтырады, бұл олардың қарым-қатынасының үйлесімді болуына мүмкіндік береді.
«Еркенің әндерін естімейтін қазақ жоқ шығар. Мен де оның шығармашылығымен жұп болғанға дейін таныс едім. Мен оның жанкүйері болдым деп айтпаймын, бірақ мен оның шығармашылығын әрқашан құрметтеп, жоғары бағаладым. Сахнада оның ерекше атмосфера тудыратынын, позитив сыйлайтынын байқадым. Біз онымен алғаш сөйлесіп, бір-бірімізді жақынырақ білгенде бұл менің адамым екенін түсіндім», – деді Азамат.
Жас жігіттің мінезі салмақты, Ерке сияқты ашық емес. Бірақ Ерке қарым-қатынаста ешқандай қиындықты сезінбеді.
«Менің жүрегім Азаматты таңдады, оның жүрегі мені таңдады. Сондықтан екеуміз бірге боламыз деп шештік. Әлеуметтік желіде Азаматтың тұйық, сырлы, мінезі қиын деп жиі жазады. Жоқ, олай айта алмаймын. Маған деген мінезін көрсетпеді. Менің де мінезім бар, бірақ Азаматқа бұны ешқашан көрсеткен емеспін, себебі арамызда бір ұшқын пайда болды. Біз ортақ тіл табуға тырысамыз, әрқашан ұмтыламыз. Бір-бірін тыңдап, түсінеміз», – деді ол.
Азамат өзі таңдаған адамның адами қасиеттерін жоғары бағалайды. Сонымен қатар, ол оның жұмысын түсінеді және қолдайды, кейде оған кеңес береді, өйткені ол рэпті жақсы сезінеді және қазіргі заманғы музыкалық үрдістерге әуес.
«Ерке керемет, егер олар маған: «Сахнада ән айтатын Ерке мен өмірдегі Еркенің бірін таңдаңыз десе, мен соңғысын таңдар едім», – деп сендірді Азамат.
