Қазақстан Республикасының Үкіметі «Қостанай» халықаралық әуежайына ұлт ұстазы Ахмет Байтұрсынұлының есімін беру туралы қаулыны жария етті. Қаулы жобасы «Ашық НҚА» порталында жарияланды.
«Қостанай» халықаралық әуежайы» акционерлік қоғамына Ахмет Байтұрсынұлының есімі берілсін», – делінген құжатта.
Үкімет қаулысы 29 сәуірге дейін қоғамдық талқылауға шығарылды. Бұған дейін «Орал» халықаралық әуежайына Мәншүк Мәметованың есімі берілді.
