Жақында Алматыда кезекті SAP Now форумы өтті. Дәстүр бойынша бұл шара көптеген бизнес өкілдерін, сонымен қатар SAP тұтынушылар мен сарапшыларын біріктіреді. Солардың бірі SAP-шешімдерінің интеграторы – LeverX Group халықаралық компаниясы. Ол өзінің серіктесі Eurasia Group Kazakhstan компаниясымен бірге бизнес-процестерді оңтайландыру кезінде дұрыс интеграторды таңдау қаншалықты маңызды екендігінің нақты үлгілермен бөлісті.
Бизнестің жедел цифрлық дамуы, әсіресе пандемиядан кейінгі кезеңде күшейді. Бұл кезең инновациялық IT шешімдерді жылдам және оңтайлы енгізуді талап етеді. Қазақстандағы ауыл шаруашылығы саласының ірі өкілі Eurasia Group Kazakhstan осындай сынаққа тап болды. Деректердің үлкен көлеміне байланысты жүйе жылдамдығының қажеттілігі, сондай-ақ қазіргі SAP ECC ERP-жүйесінің жеткіліксіз функционалдығы қазіргі заманғы шешімді SAP S/4HANA енгізудің алғы шарттарына айналды.
– Біз ағымдағы бизнес-процестерді SAP S/4HANA платформасына көшіруді осы жылдың сәуір айында бастадық. Біз LeverX Group компаниясын жаңа жүйе үшін деректерді тасымалдау серіктесі ретінде таңдамас бұрын 16 компанияны зерттеуге тура келді. Сондықтан дұрыс интеграторды таңдау процесі өте маңызды, – деп түсіндіреді Eurasia Group Kazakhstan бизнес-процестерін дамыту және автоматтандыру бөлімінің басшысы Алена Сорокоумова.
Бұл жобада барлығы 30-дан астам адам қызмет етеді. SAP S/4HANA платформасын енгізудің жалпы ұзақтығы ауыл шаруашылығы бизнесінің ерекшеліктеріне байланысты 8,5 айды құрайды және желтоқсан айында аяқталады.
– LeverX Group үшін SAP NOW форумына қатысу – цифрлық трансформация мүмкіндіктерін іздеп жүрген компаниялармен тәжірибесімен бөлісудің тамаша мүмкіндігі. Бизнес пен ақпараттық технологиялардың синергетикасы ең ауқымды жобаларды іске қосуға және жүзеге асыруға мүмкіндік береді. Біз клиенттеріміздің цифрлық трансформацияға көшуге деген ұмтылысын бағалаймыз және серіктестерге бизнес мақсаттарына жетуге көмектесу үшін жобаның кез келген кезеңінде жан-жақты қолдау көрсетуге дайынбыз, – деп қорытындылады LeverX Group консалтинг директоры Владимир Карелый.
LEVERX GROUP ТУРАЛЫ
LeverX тобы екі команданы біріктіреді: LeverX және Emerline. Emerline брендімен компания Батыс Еуропа мен АҚШ-тың стартаптары мен ірі бизнестері үшін веб және мобильді шешімдерді әзірлейді. LeverX – стратегиялық SAP серіктесі және SAP Gold серіктесі.
Клиенттер санының ұлғаюымен LeverX Group өзінің халықаралық қатысуын кеңейтіп, ауқымын кеңейтуде. 2021 жылы компанияның картасы Вильнюс, Вроцлав және Гейдельбергтегі кеңселерді қоса алғанда, 5 елдегі 8 жаңа орынмен толықты. Ал 2020 жылдың желтоқсан айында Ташкенттегі өкілдік өз жұмысын бастады.
EVRASIA GROUP KAZAKHSTAN ТУРАЛЫ
Eurasia Group Kazakhstan сауда компаниясы ауылшаруашылық техникалары мен түпнұсқа қосалқы бөлшектерді жеткізеді, қызмет көрсетеді және қаржыландырады. Оның Қазақстанда 14, Қырғызстанда 1 өкілдігі бар. Кәсіпорында 470 адам жұмыс істейді. 2002 жылдан бері John Deere компаниясының Қазақстан мен Қырғызстандағы ұлттық дилері.
