Қасым-Жомарт Тоқаев шахматтан Қазақстан әйелдер құрамасының мүшелерімен және шахмат федерациясының өкілдерімен кездесті.
Шахматшы Бибісара Асаубаева президент Қасым-Жомарт Тоқаевпен кездескеннен кейін қандай сыйлық алғанын көрсетті, деп хабарлайды Stan.kz ақпарат агенттігі.
Қасым-Жомарт Тоқаев шахматтан Қазақстан әйелдер құрамасының мүшелерімен және шахмат федерациясының өкілдерімен кездесті. Ақордаға Президентпен кездесуге әлем чемпиондары мен халықаралық гроссмейстерлер – Жансая Әбдімәлік, Динара Сәдуақасова, Бибісара Асаубаева, Гүлісхан Нақбаева, халықаралық шебер – Меруерт Камалиденова және Қазақстан шахмат федерациясының президенті Ғалым Құсайынов пен вице-президент Дәрмен Сәдуақасов шақырылды.
Кейін шахматшы Бибісара Асаубаева Instagram-парақшасында кездесуден суреттер жариялады. Сондай-ақ, ол Президент атынан қандай сыйлық алғанын көрсетті.
Кездесу соңында Мемлекет басшысы шахматтан Қазақстан әйелдер құрамасына алдағы уақытта Үндістанның Ченнаи қаласында өтетін Дүниежүзілік шахмат олимпиадасында сәттілік тіледі.
