Өз басым Мухоряповты кәсіпкер ретінде қатты сыйлайтын едім, бірақ, кешегі пікірінен кейін жек көріп кеттім. Мухоряпов сырттан келген адам емес, осы жерде өсіп, өнген кәсіпкер, яғни елдегі қазақ тілі мәселесінің қаншалықты өзекті екенінен хабардар. Ал қосымшаларының барлығы тікелей халықпен жұмыс істейтінін ескерсек, тұтынушылардың қажеттіліктері мен көңіл күйін үздіксіз зерттеп отыратын кәсіпкер, қазақтардың тіл мәселесіне келгенде өре тұра келетінін жақсы білуі керек еді, білмеуі мүмкін емес. Соған қарамастан осындай пікір білдіріп отыр. Сосын тағы бір айта кететін жайт, қанша жыл жұмыс істеп келе жатса да қосымшаларында қазақ тілі жоқ! Яғни, кәсіпкердің тілге деген позициясын осыдан ақ байқауға болады, ал кешегі пікірі оны қуаттай түскендей. Мухоряповтың бұл пікіріне тиісті органдар өз бағасын береді деген үміттеміз. Қашанғы бұлар айтарын айтып алып, артынан кешірім сұрай салып құтылады?
Фейсбуктегі парақшасынан
