2025 жылғы 1 маусым – Халықаралық Балаларды қорғау күніне орай «Jetisu Fest» «Jetisu Fest» атты ауқымды мерекелік іс-шара өткізілді. Шара Жетісу ауданындағы көпшілік демалатын орындардың бірі – «Құлагер» арбатында ұйымдастырылды. Іс-шараға Жетісу ауданындағы балаларға арналған демалыс орталықтарының тәрбиеленушілері қатысып, өз өнерлерін ортаға салды. Балалар ән айтып, би билеп, көрермендерге көтеріңкі көңіл күй сыйлады.
Сондай-ақ балалардың шығармашылық дамуына үлес қосып жүрген демалыс орталықтарының жетекшілері мен мұғалімдері Жетісу ауданы әкімінің орынбасары Данияр Әлкебайұлыныңатынан алғыс хаттармен марапатталды.
Шара барысында түрлі конкурстар мен ойындар ұйымдастырылып, балалар мен ата-аналарға арналған мерекелік көңіл күй қалыптасты.
«Jetisu Fest» балалар мен ата-аналарға қуаныш сыйлаған, өнер мен тәрбиені ұштастырған жарқын мәдени шара болды.
