Қоғамның әлеуметтік жауапкершілігін арттыруда кәсіпкерлердің рөлі ерекше. Әсіресе, балаларға бағытталған қайырымдылық бастамалар – ел болашағына жасалған нақты қадам. Осы тұрғыда жуырда өткен Президенттің қайырымдылық шыршасын ұйымдастыруға демеушілік жасаған кәсіпкерлердің еңбегі айрықша атап өтуге лайық.
Аталған игі шараға кәсіпкерлер Әшірбекова Дана, Замзагүл Асанова және Сәрсенбаева Айгерім демеушілік көрсетіп, балаларға мерекелік көңіл күй сыйлауға өз үлестерін қосты. Президенттің қайырымдылық шыршасы – жыл сайын дәстүрлі түрде өтетін, әлеуметтік қолдауға мұқтаж балаларға арналған маңызды мереке. Бұл шараның жоғары деңгейде ұйымдастырылуы демеушілердің жанашырлығына тікелей байланысты.
Кәсіпкерлердің қолдауымен мерекелік кеш мазмұнды бағдарламамен өтіп, балаларға сыйлықтар мен тосынсыйлар табысталды. Шырша мерекесі балғындардың жүзінен қуаныш сыйлап қана қоймай, қоғамда мейірімділік пен қамқорлық құндылықтарын насихаттауға ықпал етті.
Осы орайда кәсіпкерлердің әрқайсысы қоғамнан өз орындарын тапқан тұлғалар. Асанова Замзагуль Ермековна ҚP Президенті Қ.Тоқаевтың «Алғысы» мен «Алғыс хатының» иегері, Аманат партиясының Алматы қалалық филиалының төрағасы С.Канкуровтың «Алғыс хатымен» марапатталған, Бауыржан Момышұлының «Намыс», «Батыр Шапағаты», «Ел Жанашыры» төс белгілерінің иегері, «Алтын жүрек» номинациясынын иегері, «Алтын Адам» марапатын алған тұлға.
Ал Сарсенбаева Айгерім Алтынбаевна логопед-дефектолог, практик, педагогика ғылымдарының магистрі. Логопедиялық және
дефектологиялық оқулықтардың авторы. Ел жанашыры, қоғам қайраткері, «Алтын жүрек», «Алтын адам-2022» номинациясының, «Батыр шапағаты» және «Намыс» төсбелгісінің иегері.
Келесі қайырымды тұлға Аширбекова Данна Қыздарбекқызы психолог, психология магистрі, жеке кәсіпкер, көп балалы ана, «Алтын алқа» иегері, Қазақстан Республикасы Президентінің «Алғыс хаты» мен Б.Момышұлы атындағы «Батыр шапағаты» медалі, «Медицина саласының үздігі» медалі, «Намыс» төсбелгісінің», «Алтын жүрек» номинациясының иегері, «Ел жанашыры». Мемлекетіміздің өркендеуіне қосқан үлесі үшін, «300-Қайраткер» энциклопедиясы тізіміне енген.
Әшірбекова Дана, Замзагүл Асанова және Сәрсенбаева Айгерім үшін қайырымдылық – бір реттік акция емес, бұл олардың өмірлік әрі кәсіпкерлік ұстанымының бір бөлігі. Олар әлеуметтік бастамаларды қолдау арқылы бизнестің тек табыс көзі ғана емес, қоғам алдындағы жауапкершілік екенін нақты іспен дәлелдеп келеді.
Мұндай игі істер ел ішінде жақсылыққа деген сенімді арттырып, өзгелерге үлгі болады. Балаларға қуаныш сыйлаған бұл бастама – шынайы жанашырлықтың, адамгершіліктің айқын көрінісі.
