Қазақстандықтар enpf-otbasy.kz сайты жұмысындағы олқылықтарға шағымданады. «Отбасы банк» пікір білдірді, – деп хабарлайды Tengrinews.kz тілшісі.
Ең төменгі жеткілікті шек деңгейі сәуірде өзгереді. Желі қолданушылары enpf-otbasy.kz сайтына кіруде проблемалар туындап жатқанын айтқан. Бұл платформа арқылы зейнетақының бір бөлігін «Отбасы банкіне» аударуға болады.
Бір күн бұрын «Отбасы банк» enpf-otbasy.kz сайтына кіруде қиындықтар туындауы мүмкін екенін ескерткен болатын.
«Достар, өтініштердің көптігіне байланысты enpf-otbasy.kz платформасының өнімділігі төмендеп жатыр. Қолайсыздықтар үшін кешірім сұраймыз», – деді банк өкілдері.
Кейінірек «Отбасы банк» IT мамандары платформа бойынша жұмыс істеп жатқанын мәлімдеді.
