Өзгеретін, өзгертетін Уақыт!

18 C
Nur-Sultan
20 C
Almaty
24.3 C
Shymkent

Қазақстан Ресей, Өзбекстан және Қырғызстан арасындағы шекараны құрлық арқылы өтуге қойылған шектеулерді алып тастады

Танымал

Ел аузында

11 сәуірден бастап қазақстандықтардың, азаматтығы жоқ адамдардың және шетелдіктердің Ресей Федерациясы, Өзбекстан және Қырғызстанмен құрлықтағы өткізу пункттерінде Қазақстанның мемлекеттік шекарасынан өтуге қойылған шектеулер алынып тасталды, деп хабарлайды Stan.kz ақпарат агенттігі.

Сонымен қатар, Қазақстан шекарасын әуе көлігімен кесіп өтуге қойылған барлық шектеулер алынып тасталды, бұл туралы коронавирустың алдын алу және оның таралуын болдырмау жөніндегі ведомствоаралық комиссияның отырысында белгілі болды.

«Бұл ретте ПТР әдісін қолдану арқылы COVID-19 тестісі теріс нәтиже көрсеткен анықтама немесе вакцинацияның толық курсын, COVID-19-ға қарсы ревакцинацияны аяқтағанын растайтын құжатты/төлқұжатты міндетті түрде ұсыну талабы сақталады. Бқл ереже бойынша шекарадан өту Қазақстанда тұруға ықтиярхаты бар қазақстандықтар мен шетелдіктер, сондай-ақ екпе паспорттары өзара мойындалған шетел азаматтарына рұқсат етілген», – делінген үкімет хабарламасында.

Премьер-министрдің орынбасары Ералы Тоғжанов өз сөзінде мемлекеттік шекараны ашу мәселесі мемлекет басшысының тұрақты жеке бақылауында екенін баса айтты.

Сондай-ақ, Тоғжанов әкімдіктерге коронавирусқа қарсы екпе науқанын ерекше бақылауға алуды тапсырып, халық арасында түсіндіру жұмыстарын сапалы жүргізу қажеттігін айтты.

Толық немесе ішінара пайдаланғанына қарамастан, сайт материалдарын пайдаланған кезде міндетті түрде uakytnews.kz сайтына сілтеме жасауыңызды сұраймыз.

Сайт әкімшілігі

Жаңа

Құрбан айтта Алматыда мал соятын арнайы орындар анықталды

Қасиетті Құрбан айт биыл 16 маусымда басталады. Алматыда санитариялық талаптар сақталуы үшін мал сату мен союға, таратуға арналған 14...