Өзгеретін, өзгертетін Уақыт!

16 C
Nur-Sultan
24.9 C
Almaty
24.3 C
Shymkent

Елімізде электросамокаттарды пайдаланудың бірыңғай ережесі енгізілмек

Танымал

Ел аузында

ҚР Ішкі істер министрлігі Жол қауіпсіздігі басқармасы бастығының орынбасары Арман Алтынбеков елімізде электросамокат пайдаланудың бірыңғай ережелері әзірленетінін мәлімдеді, деп хабарлайды Stan.kz ақпарат агенттігі. 

«Қазіргі таңда нормативтік актілерде электросамокаттар көлік құралының қандай да бір типіне жіктелмеген. Яғни, қолдану ерекшелігі мен техникалық айырмашылықтарына қарай мопедке жата ма, әлде скутерге жата ма, нақты жіктеу жоқ. Оның үстіне заңнамада бұл көлік құралдарына қойылатын талаптардың болмауы олардың нарықта сатылу және қолдану ережелерін, қауіпсіздік бойынша қойылатын талаптары мен сол талапқа сәйкестігін бағалау тетіктерін, маркілеудің бірыңғай талаптарын техникалық реттеуге мүмкіндік бермейді», – дейді министрлік өкілі.

Сөзінше, қазіргі кезде электросамокаттарға қолданылатын ережелер әзірленуде.

«Бүгінде Үкіметтің тапсырмасы бойынша мүдделі мемлекеттік органдармен бірге осы жұмысты жүргізіп жатырмыз. Сауда және интеграция министрлігі көліктің осы типіне стандарттар әзірлеп жатыр. Бұл көлік құралы ма, әлде құрылғысы ма, соны анықтап алуымыз керек. Бірқатар себепке байланысты оларды көлік құралына жатқыза алмаймыз. Өйткені тежеуіші жүйесі, бұрылыс шамдары мен жарық шамдары жоқ деген сияқты. Стандарт дайын болған соң типтік ережелер жасаймыз. Осылайша оларға бірыңғай ережелер қолдана аламыз», – деді ведомство өкілі.

Ішкі істер министрлігінің мәліметінше, өткен жылы электросамокат пен мопед айдаған 68 адам жарақат алған. 

Толық немесе ішінара пайдаланғанына қарамастан, сайт материалдарын пайдаланған кезде міндетті түрде uakytnews.kz сайтына сілтеме жасауыңызды сұраймыз.

Сайт әкімшілігі

Жаңа

Құрбан айтта Алматыда мал соятын арнайы орындар анықталды

Қасиетті Құрбан айт биыл 16 маусымда басталады. Алматыда санитариялық талаптар сақталуы үшін мал сату мен союға, таратуға арналған 14...