Өзгеретін, өзгертетін Уақыт!

21 C
Nur-Sultan
23 C
Almaty
24.3 C
Shymkent

Білім министрлігі еліміздің барлық мектептерінде сапта әнұран орындауды міндетті етуді ұсынды

Танымал

Ел аузында

ҚР Білім және ғылым министрі Асхат Аймағамбетов еліміздің барлық мектептерінде әнұранды сапта орындауды міндетті етуді ұсынды, деп хабарлайды Stan.kz ақпарат агенттігі.

«Жақында ғана біз еліміздің мемлекеттік рәміздерінің 30 жылдығын атап өттік. Әрине көп нәрсе білім беру жүйесіне байланысты екенін түсінуіміз керек. Көптеген мектептерде апта сайын сап түзеп, әнұранды орындау бұрыннан жақсы дәстүрге айналған. Менің ойымша бұл біздің барлық мектептер үшін ереже болуы керек. Сондықтан, әріптестер, бұл бағыттағы жұмыстарды жалғастыруымыз қажет», – деді ҚР Білім және ғылым министрі ведомствоның аппараттық отырысында.

Асхат Аймағамбетов министрліктің пікірсайыс, оқу мектебі, мектептегі өзін-өзі басқару сияқты басқа да жобаларды әзірлеп, қолдау көрсететінін мәлімдеді.

«Жаңа оқу жылына дайындық кезінде осы мәселелердің барлығын бөлек қарастыруларыңызды сұраймын. Біз бұл процесті бақылайтын боламыз», – деп қосты басқарма басшысы.

Оның айтуынша көптеген мектептерде тәжірибелі директорлардың сабақ басталмай тұрып балалармен кездесуі жақсы дәстүр болып қалыптасқан. 

«Бұл баланың қандай көңіл-күйде келетініне, ата-анасы немесе туыстары баланы әкелгені туралы маңызды ақпаратты алуға мүмкіндік береді. Барлық мектептер осы ұсыныстарды орындауы қажет», – деп түйіндеді Асхат Аймағамбетов. 

Толық немесе ішінара пайдаланғанына қарамастан, сайт материалдарын пайдаланған кезде міндетті түрде uakytnews.kz сайтына сілтеме жасауыңызды сұраймыз.

Сайт әкімшілігі

Жаңа

Су тасқынының шарықтау шегі қашан болады? Ғалымдардың жауабы

Биыл елімізде көрші елден мол су келіп жатыр. Бұл ағын қашанға дейін жалғасады? Шарықтау шегіне қашан жетеді? Massaget.kz тілшісі сарапшылардың пікірін...