Қазақстан тұрғындарының этникалық құрамы туралы деректер жарияланды, – деп хабарлайды Tengrinews.kz тілшісі.
Ақпарат және қоғамдық даму министрлігі Қазақстан халқы Ассамблеясының 2026 жылға дейінгі даму тұжырымдамасы жобасын жариялады. Құжатта қазақстандықтардың ұлттық құрамы туралы деректер көрсетілген.
2022 жылғы 1 қаңтардағы жағдай бойынша Қазақстан халқының саны 19 миллион 122 мың адам болған, оның ішінде ең көп пайызы:
- қазақтар – 69,03 пайыз;
- орыстар – 18,47 пайыз;
- өзбектер – 3,29 пайыз;
- ұйғырлар, 1,5 пайыз;
- украиндар – 1,3 пайыз;
- татарлар – 1,06 пайыз;
- немістер – 0,92 пайыз;
- түріктер – 0,61 пайыз;
- корейлер – 0,57 пайыз;
- әзербайжандар – 0,61 пайыз;
- дүнгендер – 0,40 пайыз;
- белорустар – 0,26 пайыз;
- тәжіктер – 0,27 пайыз;
- күрдтер – 0,25 пайыз;
- шешендер – 0,18 пайыз;
- поляктар – 0,15 пайыз;
- башқұрттар – 0,09 пайыз;
- басқа этнос өкілдері – 1,04 пайыз.
Жалпы, 2018-2020 жылдарға арналған халық санының статистикасы ел тұрғындарының тұрақты өсу тенденциясын көрсететіні айтылған. Соңғы үш жылда Қазақстан халқының саны 2,6 пайызға өсті.
