Қазақстанда өндіріс көлемі қарамастан, күнбағыс майы бір жылда 12 пайызға қымбаттады, деп хабарлайды Stan.kz ақпарат агенттігі Energyprom порталына сілтеме жасап.
Порталдың мәліметінше, тазартылмаған май өндірісі бір жыл ішінде 71,5 пайызға қымбаттап кеткен.
«2022 жылдың бірінші жартыжылдығында күнбағыс майын өндіру көлемі 235 мың тоннаға жетті, бұл өткен жылдың сәйкес кезеңімен салыстырғанда 38,1 пайызға артық. Тазартылмаған күнбағыс майы 160 мың тоннаны (бір жылда 71,5 пайызға өсті), тазартылған күнбағыс майының үлесі 75 мың тоннаны (2021 жылдың бірінші жартыжылдығымен салыстырғанда 2,5 пайызға аз) құрады», – дейді сарапшылар.
Өңірлік тұрғыдан алғанда, күнбағыс майын өндірудің жалпы көлемінің жартысына жуығын Шығыс Қазақстан облысы қамтамасыз етті: 78,1 мың тонна тазартылмаған және 33,6 мың тонна тазартылған май өндірілді. Тазартылмаған күнбағыс майын өндірудің айтарлықтай көлемі де Абай (43,8 мың тонна) және Қостанай (9,1 мың тонна) облыстарына, өңделген түрі Шымкент (24,2 мың тонна) және Алматы (10,4 мың тонна) қалаларына тиесілі.
Қазақстандық күнбағыс майын өндірушілер осы жылдың қаңтар-мамыр айларында сұранысты 83,5 пайызға жапқан, тиісінше, импорт 16,5 пайызға өскен. Өткен жылдың қаңтар-мамыр айларымен салыстырғанда өнім көлемі 29,6 пайызға өссе, импорт 26,6 пайызға артқан.
2022 жылдың қаңтар-мамыр айларында ішкі нарықта күнбағыс майын сату көлемі 143,8 мың тоннаны құрады, бұл өткен жылдың сәйкес кезеңімен салыстырғанда небәрі 3,7 пайызға артық. Бұл ретте экспорт екі еседен астам өсіп, 92,4 мың тоннаны құрады.
2022 жылдың шілде айының қорытындысы бойынша Қазақстанда күнбағыс майы бір айда 1,4 пайызға қымбаттады, ал жыл басынан бері баған 8,1 пайызға көтерілген. Өткен жылдың шілде айымен салыстырғанда жалпы баға 11,6 пайызға өсті, бұл өткен жылғы көрсеткіштен айтарлықтай төмен, ол кезде баға алдыңғы жылмен салыстырғанда бірден 65,8 пайызға өскен болатын.
