КешYou тобының бұрынғы әншісі Назым Әбілдина ақ келін атанды. Күні кеше Назымның ұзату тойы болып өтті, деп хабарлайды Stan.kz ақпарат агенттігі.
Назымның ұзату тойы Алматыдағы қымбат мейрамханалардың бірінде өткен.
Дүбірлі тойға шоу-бизнес жұлдыздары қонақ болып келді. Олардың арасында Маржан Арапбаева, Айгүл Иманбаева, Сәкен Майғазиев, Нұрболат Абдуллин, Қайрат Баекенов, Айқын мен Жұлдыз, Еркеш Хасен және тағы да басқа өнер жұлдыздары бар.
Айта кетейік, Назым Әбілдина неке жүзігін көрсетіп, тұрмысқа шығатынын хабарлаған еді. Ал әпкесі күйеу жігіттің жомарт, ер мінезді жан екенін, Байбосыновтар әулетінің көңілінен шыққанын айтты.
