Өзгеретін, өзгертетін Уақыт!

7 C
Nur-Sultan
12 C
Almaty
13.3 C
Shymkent

Өзінің жұмыс орнына ұрлыққа түсіп, 6 миллион теңгені жымқырған жігітке сот үкімі шықты

Танымал

Ел аузында

2022 жылдың тамыз айында Жетісай аудандық полиция бөлімінде ҚР ҚК-нің 188-бабымен қылмыстық іс тіркелген болатын. Онда арызданушы жергілікті тұрғын, өзінің сусындар тұратын қоймасына белгісіз біреу кіріп, кассадан 6 млн теңге ұрлап кеткенін көрсеткен.                     
Аталған жайтты полиция қызметкерлері "Ұрлық" бабымен тіркеп, қылмысты ашу үшін қажетті шараларды жүзеге асырды. Көрген-білгендерден сұрастыру жұмыстарын жүргізіп, бейнебақылау камераларын қарап шықты. Нәтижесінде қылмысқа қатысы бар күдікті анықталып, ұсталды. Ол жұмыссыз, жергілікті тұрғын болып шықты.                
Полицейлердің тергеу әрекеттері барысында, күдікті бұрын сол жерде жүк тасушы болып жұмыс істегені анықталды. Ол ұрлық жасамас бұрын сол күні қойма ішіне кіріп, жұмысшылардың үйіне қайтқанын күтіп, 5 сағаттай жасырынып отырған. Жұмыс уақыты аяқталып, қоймадағылар үйлеріне тарқаған сәтте ешкімнің қалмағанына көз жеткізіп, арам ойын іске асырған. Яғни, қойманың терезесінен кассаға өтіп, 6 млн теңгені сөмкесіне салып, оқиға орнынан бой тасалаған. Одан айғақты зат ретінде 1,5 млн теңге алынып, иесіне қайтарылған.      
Осы іс бойынша жан-жақты тексеру шараларын атқарып, дәлелдемелерді жинақтаған полицейлер іс құжаттарын айыптау актісімен бірге сотқа жолдады. 

Нәтижесінде сот үкімімен 23 жастағы жас жігіт ҚР КҚ-нің 188-бабы 3-бөлігімен кінәлі деп танылып, оған қатысты 3 жыл 3 ай мерзімге бас бостандығынан шектеу жазасы тағайындалды.

Түркістан облысы ПД баспасөз қызметі

Толық немесе ішінара пайдаланғанына қарамастан, сайт материалдарын пайдаланған кезде міндетті түрде uakytnews.kz сайтына сілтеме жасауыңызды сұраймыз.

Сайт әкімшілігі

Жаңа

«Мажарстан исламдық сәулет өнерінің мұрасы»

2024 ж. 13 қыркүйек күні Қазақстан Республикасы Мемлекеттік орталық музейі және Мажарстанның Бас Консулдығы бірлесіп «Мажарстан исламдық сәулет...