Наурыз-жаңа жыл мен көктем мерекесі. Ағымдағы жылы өңірдің барлық тұрғындары 3 күн қатарынан демалды. Бірақ дәрігерлер мен алғашқы медициналық көмек қызметкерлері науқастарды қабылдап, тіпті күрделі операциялар жасады.
Осы орайда Талдықорған қаласындағы облыстық ауруханасының қызметкерлері 80-нен астам науқасты шұғыл тексеріп, 18 ота жасады.
Мысалға, хирургия бөліміне 12 науқастың 10-на хирургиялық ота қажет болған. Жалпы, хирургиялық операция үш негізгі кезеңнен тұрады: жедел қол жеткізу, жедел қабылдау және жедел шығу. Хирургиялық емдеу әдісі басқа негізгі әдістен тіндердің қосылуы мен бөлінуінің болуымен ерекшеленеді. Емдеудің бұл әдісі негізгі емдік әсерден басқа, оны қолдану әрдайым белгілі бір дәрежеде айқын хирургиялық жарақатпен бірге жүретіндігімен ерекшеленеді.
Мейрам күндері жарақаттану бөліміне әртүрлі дене жарақатымен 10 науқас түскен. Науқастарды травматолог дәрігер және аурухана директоры Анарбек Моңғолханұлы өзі қабылдады.
«Мереке күндері ауруханада үнемі медбикелер мен дәрігерлер кезекшілік етеді. Төтенше жағдайда біз емдеуші дәрігерді шақырамыз. Мысалға, дәл мереке күні аяғын жарақаттап алған жас қызға дер кезінде көмек көрсетіп, рентген диагностикасын жасап, оны амбулаториялық ем ақылдауға жібердік», – деді бас дәрігер.
Бұдан басқа, тамақтан уланып және аздаған дене жарақатымен дәрігер көмегіне жүгінген науқастар болды.
