Синоптиктер 25-27 мамырға арналған ауа райы болжамын жариялады, – деп хабарлайды Massaget.kzтілшісі.
Болжамға сәйкес, республиканың басым бөлігінде жаңбыр жауып, найзағай ойнайды. Тек республиканың солтүстік-батысында жауын-шашынсыз ауа райы болады. Сондай-ақ, республика бойынша жел күшейіп, елдің оңтүстік-батысы мен оңтүстігінде шаңды дауыл соғады.
«Күндіз Қазақстан бойынша негізгі ауа температурасы мынадай болады: батыс өңірлерде 27-35 градус жылы, солтүстік-батыста 25-30 градус жылы, солтүстікте, шығыста, орталықта 18-27 градус жылы, оңтүстікте 25-33 градус жылы, оңтүстік-шығыста 23-30 градус жылы», – делінген хабарламада.
