29-31 мамыр аралығында республиканың басым бөлігінің ауа райын атмосфералық фронтальді бөлімдер айқындайтын болады.
«Қазгидромет» РМК алдағы үш күнге арналған ауа райы болжамын жариялады, деп хабарлайды Azattyq Ruhy.
Синоптиктер болжамынша, 29-31 мамыр аралығында республиканың басым бөлігінің ауа райын атмосфералық фронтальді бөлімдер айқындайтын болады.
«Өткінші жаңбыр, найзағай болып, еліміздің оңтүстігінде, оңтүстік-шығысында және шығысында бұршақ жаууы мүмкін. 30 мамырда Шығыс Қазақстанда, 1 маусымда Батыс Қазақстан және Атырау облыстарында жаңбыр жауады», – делінген хабарламада.
Тек антициклон жотасымен Қызылорда және Ұлытау облыстарында жауын-шашынсыз ауа райы сақталады. Сондай-ақ республика бойынша жел күшейіп, республиканың оңтүстік-батысында және оңтүстігінде шаңды дауыл соғады.
«Қазақстан бойынша күндіз температуралық фон: батыста және солтүстік-батыста – 28-36 градус ыстық болса, солтүстікте, оңтүстік-шығыста және орталықта 25-35 градус, оңтүстікте 32-37 градус, шығыста 20-28 градусқа дейін жоғарылайды», – делінген хабарламада.
