Алматы қаласының Наурызбай ауданындағы бірқатар ғимаратта уақытша ыстық су өшіріледі, – деп хабарлайды Massaget.kz тілшісі қала әкімдігінің баспасөз қызметіне сілтеме жасап.
12-29 маусым аралығында Наурызбай ауданының аумағында Жуалы – Райымбек – Алтын Орда – Медеубеков көшелерінің контурында орналасқан тұрғын үйлер мен өзге де ғимараттарда ыстық су болмайды.
«Шектеулер «Алматыжылукоммунэнерго» ЖШС теңгерімінде тұрған «Премьер» қазандығында жоспарлы жөндеу жұмыстарын жүргізу үшін енгізіледі. Уақытша қолайсыздықтар үшін кешірім сұраймыз», – делінген «Алматы жылу жүйесі» хабарламасында.
