Атырауда жер телімдерін заңсыз сатты деген күдікпен үш шенеунік ұсталды, – деп хабарлайды Massaget.kzтілшісі.
Атырау облысының прокуратура өкілдері редакцияға қаланың экс-әкімі Қайрат Оразбаевтың ұсталғанын растады.
Атырау облысының прокуратурасы қала әкімдігінің лауазымды тұлғаларына қатысты жерді заңсыз бөлу дерегі бойынша соталды тергеу жұмыстарын жүргізіп жатыр. Биыл 9 қарашада осы іс аясында Атыраудың экс-әкімі Оразбаев Қ.Қ. ұсталды. Қылмыстық іс жүргізу кодексінің 201-бабының талаптарына байланысты өзге де мәліметтер жария етілмейді», – делінген жауапта.
