Ұлттық киноны қолдауға бөлінген бюджет қаражаты ұрланғаны анықталды, – деп хабарлайды Massaget.kz тілшісі Алматы қаласының прокуратурасына сілтеме жасап.
Алматы қаласының прокуратурасы «Шәкен Айманов атындағы Қазақфильм» акционерлік қоғамын тексеру қорытындысы бойынша аса ірі көлемде бюджет қаражаты ұрлануына қатысты соталды тергеп-тексеруді бастады.
Алдын-ала мәлімет бойынша фильм түсіруге бөлінген 400 миллион теңгеден аса қаржы ұрланған.
Соталды тергеп-тексеруді Экономикалық тергеп-тексеру департаменті жүргізіп жатыр.
Еске салайық, бұған дейін «Қазақфильмнің» экс-президенті жемқорлық дерегіне байланысты күдікті деп танылғаны хабарланды.
