Нұр-Сұлтан қаласының қоғамдық денсаулық сақтау басқармасы елорда тұрғындарының арасында қандай аурулар жиі кездесетінін айтты, – деп хабарлайды Tengrinews.kz тілшісі.
Республикалық электронды денсаулық сақтау орталығының 2021 жылғы 9 айдағы деректеріне сәйкес, астаналықтар арасында тыныс алу органдарымен байланысты аурулар жиі кездеседі. Олардың үлесіне Нұрсұлтан тұрғындарының тіркелген барлық өтініштерінің 24,5 пайызы тиесілі.
Екінші орында ас қорыту жүйесінің аурулары – асқазан-ішек жолдарының проблемалары туралы шағымдар барлық өтініштердің шамамен 4 пайызын құрады. Одан кейінгі орында жарақаттар мен уланулар – 3,9 пайыз.
Одан кейін тірек-қозғалыс аппаратының аурулары және қан айналымы жүйесі аурулары – олар астаналықтардың жалпы өтініштерінің 3,4 және 2,4 пайызын құрайды.
Аталған аурулардан негізінен иммунитеті әлсіз, созылмалы аурулары бар ересек тұрғындар, жүкті әйелдер және егде жастағы адамдар зардап шегеді.
