Мемлекет басшысы құқық қорғау және бейінді мемлекеттік органдардың алдына азаматтардың жан – жақты қауіпсіздігін қамтамасыз ету міндетін қойды. Біздің қоғамда заң мен тәртіп орнауы қажет.
Осыған байланысты бүгін Түркістанда «Заң мен Тәртіп – қауіпсіз қоғамның кепілдігі» форумы Түркістан, Жамбыл, Қызылорда облыстары және Шымкент қаласы аудандары прокурорларының қатысуымен өтуде.
Бұл іс-шараның мақсаты – жұмыстағы жүйелі проблемаларды анықтау, қызметкерлердің біліктілігін арттыру, пікір алмасу және прокуратура органдарының алдына қойылған міндеттерді шешудің нақты жолдарын әзірлеу болып табылады.
Прокурорлар әріптестерімен жұмыстағы тәжірибелерімен және қол жеткізген нәтижелерімен, сондай-ақ болашақ жоспарларымен бөлісті.
