Өзгеретін, өзгертетін Уақыт!

15.3 C
Nur-Sultan
13.9 C
Almaty
17.2 C
Shymkent

Өзгеретін, өзгертетін Уақыт!

Алматы БҰҰ алаңында нашақорлықтың алдын алу бойынша табысты тәжірибесін таныстырды

Танымал

Ел аузында

Венадағы БҰҰ штаб-пәтерінде БҰҰ Есірткі және қылмыс жөніндегі басқармасының (UNODC) қолдауымен халықаралық ауқымды іс-шара өтті. Аталмыш жиында нашақорлықтың алдын алу, есірткіні тұтынуды азайту және жаңа психоактивті заттардың таралуына қарсы күресудің заманауи әдістерін талқылау барысында «Наркостоп» жобасының координаторы Нұржан Жакупов Алматы қаласының табысты тәжірибесін таныстырды.

Өз сөзінде ол нашақорлықтың алдын алудың тиімділігін арттыру үшін кешенді тәсіл қолдану қажет екенін атап өтіп, Алматыда жастар арасында нашақорлықты алдын алу жолында жасалып жатқан жұмыстар туралы сөз қозғады.

Алматыда «Наркостоп» жобасы Алматы қаласы Жастар саясаты басқармасының қолдауымен жүзеге асырылып келе жатқан маңызды жобаларлың бірі. Тек 2024 жылы жобаның жұмысына 3 000-нан астам ерікті қатысып, 480 алдын алу іс-шарасы өтті. Сондай-ақ, есірткіні насихаттайтын 110 000-нан астам трафарет пен граффити боялып, жойылды.

— «Наркостоп» – Алматыдағы нашақорлықтың алдын алудағы маңызды жобалардың бірі. Соңғы екі жыл ішінде оның аясында елімізде 8 мамандандырылған орталық табысты жұмыс істеп келеді. Жобаның басты мақсаты – жастарға есірткінің зияны туралы ақпарат жеткізу және оларды салауатты өмір салтын ұстануға шақыру. Біз есірткінің таралуы мен оның жарнамасын болдырмау үшін белсенді жұмыс жүргізіп келеміз. Алдағы уақытта бұл бағыттағы бастамаларды күшейтіп, қоғаммен бірлесе күресуді жалғастырамыз», – деп атап өтті «Наркостоп» жобасының координаторы Нұржан Жакупов.

БҰҰ сарапшылары, құқық қорғау органдарының өкілдері мен халықаралық ұйымдардың өкілдері Алматы қаласының тәжірибесіне жоғары бағасын берді. Кездесу барысында «Наркостоп» жобасының үздік тәжірибелерін басқа елдерде қолдану мүмкіндіктері талқыланды.

Іс-шара қорытындысы бойынша нашақорлықтың алдын алу бойынша халықаралық ынтымақтастықты нығайту жөніндегі ұсынымдар әзірленіп, жастар арасында есірткі тұтынуды азайтуға бағытталған тиімді әдістер алмасу мәселелері қарастырылды.

Толық немесе ішінара пайдаланғанына қарамастан, сайт материалдарын пайдаланған кезде міндетті түрде uakytnews.kz сайтына сілтеме жасауыңызды сұраймыз.

Сайт әкімшілігі

Жаңа

Реализация Национального проекта «Модернизация сельского здравоохранения»Триумф сельской медицины: когда опыт, технологии и забота создают чудо!

Пять лет мучительной боли, ограничений в движении и потери надежды остались в прошлом для одного из наших пациентов. Он...