Өзгеретін, өзгертетін Уақыт!

1.4 C
Nur-Sultan
14.4 C
Almaty
17.2 C
Shymkent

Алматы волонтерлері ТЖМ ардагерлерін Азаматтық қорғаныс күнімен құттықтады

Танымал

Ел аузында

         1 наурыз – Дүниежүзілік азаматтық қорғаныс күні  Алматы қаласының волонтерлері Төтенше жағдайлар министрлігінің ардагерлерін құттықтап, олардың ұзақ жылдық еңбегіне және халықты қорғау ісіне қосқан баға жетпес үлесіне алғыс білдірді.

         Волонтерлер ТЖМ ардагерлерін арнайы құттықтап, олардың ерең еңбегі мен батылдығына ризашылықтарын білдірді, естелік сыйлықтар мен құрмет белгілерін табыстады. Бұл азаматтар өз өмірлерін төтенше жағдайлардың алдын алу, адамдарды қорғау және жас ұрпақты құтқару ісіне үйретуге арнады.

         Алматының волонтерлері әрдайым қауіпсіздік саласында қызмет еткен жандарды қолдайды және олардың кәсібилігі мен ерлігінің арқасында қаншама адамның өмірі мен денсаулығы сақталғанын еске салады.

         Акцияға қатысушылардың бірі, волонтер Байғабыл Ельдар, өз әсерімен бөлісті:
«Біз көбінесе құтқарушының жұмысы қаншалықты үлкен күш пен батылдықты талап ететінін ойлай бермейміз. ТЖМ ардагерлері – өз өмірін басқаларды қорғауға арнаған жандар. Оларды құттықтап, әңгімелерін тыңдау және алғыс айту – біз үшін үлкен мәртебе. Бұл – олардың зор еңбегінің аз да болса өтеуі».

         Бұл шара ұрпақтар арасындағы байланысты сақтаудың және қауіпсіздік үшін жанын салған жандардың еңбегін елеудің маңыздылығын тағы бір мәрте көрсетті. Алматы волонтерлері ардагерлерді қолдауды және олардың ерлігін халық жадында сақтауды жалғастыра береді.

Толық немесе ішінара пайдаланғанына қарамастан, сайт материалдарын пайдаланған кезде міндетті түрде uakytnews.kz сайтына сілтеме жасауыңызды сұраймыз.

Сайт әкімшілігі

Жаңа

ҒЫЛЫМДЫ ИГЕРУ – САПАЛЫ ӨМІР КЕПІЛІ!

ХХІ ғасыр ғылым мен технология ғасыры болады деп ХХ ғасырдың екінші жартысында ғалымдар жаза бастады. Ол уақытта көпшілік мұны...