Түркістан облысына келген ҚР Ішкі істер министрінің орынбасары – Ұлттық ұланның Бас қолбасшысы Аңсаған Балтабеков жұмыс сапарын Ұлттық ұланның ғимаратымен танысудан бастады. Яғни №5574 әскери бөлімінің тыныс-тіршілігін қадағалап, толығымен тексеріп шықты.
Одан әрі Түркістан облысының әкімі Нұралхан Көшеровпен кездесіп, облыстағы криминогендік жағдайдың тұрақтылығы мен қоғамдық тәртіпті қамтамасыз ету бойынша жүргізіліп жатқан жұмыстардың нәтижелерін талқылады.
Қызметтік іссапар ары қарай Түркістан облысы Полиция департаментінде жалғасты. Мұндағы шара қызмет бабында қайтыс болған қызметкерлерді бір минут үнсіздікпен еске алып, гүл шоқтарын қою рәсімімен басталды.
Сондай-ақ А.Балтабеков жедел басқару орталығы мен кезекші бөлімнің қызметін қарап, танысып шықты.
«Түркістанға ерекше мәртебе берілді және барлығы бұл өңірді туристік орталық ретінде жақсы біледі. Сондықтан осындай қасиетті жердің ел қорғандары әрқашан өз жұмыстарыңызға жауапты болып, қылмысты ашуда әділдікті ту етулеріңіз қажет. Президентіміз Қ.Тоқаев пен ҚР ІІМ Е.Саденовтың тікелей тапсырмаларымен жүзеге асып жатқан жобаларды барынша қолдап, жүйелі жұмыс жүргізіңіздер!»,- деп сөзін түйіндеді Аңсаған Балтабеков.
Түркістан облысы ПД баспасөз қызметі
