«Қауіпсіз жол» іс-шарасы аясында Түркістан облысы ПД бастығы Мұрат Қабденов тәртіпті жүргізушілерді ынталандыру мақсатында алғыс хаттар табыстады.
Цифрлық жүйе арқылы іріктелген тізімге ұзақ уақыт бойы бірде-бір құқық бұзушылық жасамаған автокөлік иелері енді.
Марапатталғандардың ішінде 20 жыл бойы жол ережесін бұзбаған түркістандық 47 жастағы жүргізуші Әнуарбек Әлімбетов бар.
Ол жолдағы жауапкершіліктің маңызын айтып, барлық жүргізушілерді тәртіп сақтауға шақырды.
Полицияның айтуынша, мұндай бастамалар жол-көлік оқиғаларының алдын алуға және жол мәдениетін арттыруға ықпал етеді.
Аталған шара облысқа қарасты 17 ауданда жалғасын тапты.
Түркістан облысы ПД баспасөз қызметі
