Өзгеретін, өзгертетін Уақыт!

19 C
Nur-Sultan
25 C
Almaty
32.3 C
Shymkent

Әлемді дүрліктірген «Oмикрон»: Қазақстан билігі тым-тырыс

Танымал

Ел аузында

Йоханнесбург-Амстердам бортында болған 100-ден астам жолаушының ПТР-тесті оң нәтиже көрсетті. Келгендердің барлығы әуежайда оқшауланған. SARS-COV-2 жаңа штаммы, үрейді қайта үдете түсті. Бұған дейін аузы күйген билік тез әрі батыл әрекетке көшті, деп хабарлайды ulysmedia.kz.

ШЕКАРА ЖАБУ ҚАЙТА БАСТАЛДЫ

Бүгінгі күні Омикрон штамы Оңтүстік Африка аймағынан тыс Гонконг, Израиль және Бельгияда тіркелді. Бұл елдер бір уақытта тоғыз елмен әуе қатынасын жабуға тура келді.

Еуропалық Комиссия Еуро Одақ елдерінде жаңа мутацияның таралуын шектеу үшін Африканың оңтүстігіндегі және басқа елдермен рейстерді шұғыл тоқтатуға шақырды. Бұл шараны енгізгендердің қатарында Ұлыбритания, Түркия, Канада, БАӘ, Австралия, Бразилия, АҚШ, Израиль, Ресей бар.

Мария ван Керхове, ДДҰ-ның COVID-19 бойынша сарапшысы:

«Ковидтің жаңа модификациясы тым агрессивті. Ұдайы өндіру көрсеткіші әлемде белгіленген нормадан екі есе жоғары. Жаңа штамм дельтаға қарағанда тезірек таралады».

Сьюзан Хопкинс, Ұлыбританияның денсаулықты қорғау жөніндегі агенттігінің медицинадық бас сарапшысы:

«Бүкіл әлем бойынша медициналық бақылау органдарын белсенді түрде жұмыс істеуі керек. «Омикрон» таралған аумақтарды локализациялау біз үшін өте маңызды».

ПТР сынақтары омикрондық мутацияларды ажырата алады, бірақ қолданыстағы вакциналардың жаңа штаммға әсерін білу үшін кем дегенде бірнеше апта қажет болады. Инфекцияның жаңа түрінде 50-ден астам айырмашылық бар. Дәнекер протеинде 34 өзгеріс болған Сарапшылардың пікірінше, жаңа штамм вакциналарға төзімдірек болады. Фармацевтикалық компаниялар қазірдің өзінде омикронды зерттеп, онымен күресу жолдарын іздеп жатқанын айтты.

Тулио де Оливейра – Оңтүстік Африканың эпидемиологиялық әрекет ету орталығының профессоры жаңа мутацияларға таң қалды:

«Бұл нұсқа бізді таң қалдырды. Ол үлкен эволюциялық секіріс жасап, 50-ге жуық мутациядан өтті. 30 мутация дәнекер протеинге әсер етті –  контуры бойынша күн тәжіне ұқсайтын тікенектер арқылы вирус адам жасушасына енеді. Вирустың ағзаға түскен бөлігі 10 рет мутацияға ұшыраған».

Саймон Кларк – Ридинг университетінің микробиология профессоры:

«Вирустың дәнекер протеині біздің жасушаларымызды ашатын кілт ретінде әрекет етеді. Енді, шамасы, вирус дәнекер ақуызының жаңа нұсқасын алды. Бұл оның адам ағзасына енуге көмектесетін жаңа кілті бар екенін және біздің антиденелеріміз оны тоқтата алмайтынын білдіреді».

Оксфорд университетінің биологы Джеймс Нейсмит: «Бұл жаман жаңалық, өйткені көптеген вакциналар тікенекті бейтараптандыру үшін жұмыс істейді», – дейді.

ОҢТҮСТІК АФРИКА АЙЫПТАП ЖАТЫР

Жұма күні Дүниежүзілік денсаулық сақтау ұйымының шұғыл отырысында сарапшылар Оңтүстік Африканың барлық аймақтарында вирустың жаңа нұсқасын жұқтырғандар саны өсіп жатқанын хабарлады. Олар «Омикронның» алғашқы расталған оқиғасы 9 қарашада тіркелгенін айтты. 24 қарашада республика өкілдері ДДҰ-ға жаңа штамм туралы ресми түрде хабарлады. Ғалымдар жаңа мутация иммунитеті әлсіреген, вирусты жеңе алмаған науқастың бірінің денесінде пайда болуы мүмкін деп болжайды.

Австралия сенбі күні Оңтүстік Африкадан, Намибиядан, Зимбабведен, Ботсванадан, Лесотодан, Эсватиниден, Сейшельден, Малавиден және Мозамбиктен рейстерді тоқтатқанын жариялады. Бұл елдерге барған адамдар Австралияға, оның азаматтарын қоспағанда, кіре алмайды.

Жапония Африканың көптеген елдерінен келген барлық келушілер 10 күн карантинде болуы және осы уақыт ішінде 4 сынақтан өтуі керек екенін айтты.

Үндістан Оңтүстік Африкадан, Ботсванадан және Гонконгтан келгендер үшін қатаң карантин мен тестілеуді енгізді.

Иран, Бразилия, Канада, БАӘ, Израиль, АҚШ, Ресей және Таиланд Оңтүстік Африканың 9 мемлекетіне кіруге тыйым салды.

Оңтүстік Африка билігі бұл шектеу шараларының барлығын негізсіз және ДДҰ нормалары мен стандарттарына толығымен қайшы деп санайды.

Жаңа вирус Уханьда пайда болған және пандемияға әкелген вирустан түбегейлі өзгеше. Сонымен қатар, жаңа нұсқа, шамасы, соңғы уақытқа дейін вирусты оңай таныған адамның иммундық жүйесінің механизмдерін айналып өтуді үйренді.

ОМИКРОННЫҢ ЭКОНОМИКАҒА ӘСЕРІ

Әуе қатынасының жабылуы және «омикронның» таралуы туралы жаңалықтардан кейінгі алғашқы 24 сағат ішінде экономикада жаһандық өзгерістер орын алды. Brent маркалы мұнай бағасы 26 қарашаға қараған түні 2%-дан астам арзандап, таңертең 5,59%-ға дейін құлдырауын жалғастырды. Инвесторлар енді бірінші кезекте ДДҰ медициналық сарапшыларының жаңалықтарын күтеді. Әлемдік нарықтағы күн тәртібі де дәрігерлердің қорытындысына байланысты болмақ. Олар экономиканы қалпына келтіруді тежейтін жаңа локдаун болады деп алаңдайды.

Әлемдегі ең бай 10 адам жаңа штамм туралы хабарлардың бірінші күнінде миллиардтаған ақшасынан айырылды. Олардың жалпы байлығы 37 миллиард долларға азайды.

Жұмадағы жеңілдіктер күні пандемия басталғалы алғаш рет қор нарықтарындағы ең сәтсіз күн болды.

Louis Vuitton, Dior, Hennessey иесі Антуан Арноның табысы 9 миллиард долларға азайды. Илон Масктың байлығы 7,9 млрд долларға азайды. Amazon негізін қалаушы Джефф Безос 3,8 млрд жоғалтса, Билл Гейтстің байлығы – 2,1 млрд долларға, Марк Цукербергтің байлығы 2,8 млрд долларға төмендеді.

Инвесторлар коронавирустың жаңа штамының табылғаны туралы хабардан кейін активтерін сата бастады. Dow Jones Industrial Average бір күн ішінде 2,3%-ға немесе 905,04 тармаққа төмендеді. Бұл 2020 жылдың қазан айынан бері индекстің ең үлкен құлдырауы.

Қазақстан әзірге жаңа штамм бойынша ешқандай мәлімет айтқан жоқ.

Толық немесе ішінара пайдаланғанына қарамастан, сайт материалдарын пайдаланған кезде міндетті түрде uakytnews.kz сайтына сілтеме жасауыңызды сұраймыз.

Сайт әкімшілігі

Жаңа

Құрбан айтта Алматыда мал соятын арнайы орындар анықталды

Қасиетті Құрбан айт биыл 16 маусымда басталады. Алматыда санитариялық талаптар сақталуы үшін мал сату мен союға, таратуға арналған 14...