ШҚО бойынша ҚАЖД Солжағалау аудандық пробация қызметінің есебіндегі бас бостандығын шектеу жазасына сотталған Б.С.С есімді азамат жаза өтеуден сот қаулысымен 1 жыл 9 ай 4 күнге шартты түрде мерзімінен бұрын босатылды. Б. 2020 жылы ҚР ҚК-нің 188 бабы 3 бөлігі, 2,3 тармақтарына сәйкес, ұрлық жасау дерегі бойынша үш жыл алты ай мерзімге бас бостандығын шектеу жазасына сотталып Солжағалау аудандық пробация қызметі есебіне қойылған. Пробация қызмет і есебіне алынғаннан кейін, Б-пен пробация қызметкерлері тарапынан тәрбие жұмыстары жүргізіліп отырылды.
Б. жаза өтеу барысында жаза өтеу тәртібін және өзіне сот үкімімен жүктелген міндеттерді бұзбай, өзінің түзу жолға түскендігін дәлелдеді. Осы себептерге байланысты, Б заң бойынша жаза өтеудің белгілі бір бөлігін өтегеннен кейін Өскемен қалалық сотына жаза өтеуден шартты түрде мерзімінен бұрын босатуды сұрап қолдаухатын жазды. Пробация қызметі тарапында аталған азаматты мінездейтін іс-құжаттар жинақталып, сотқа жолданып, сот отырысы өткізілді.
-Мен, ұрлық қылмысын жасадым, қылмыс жасағаныма қатты өкіндім алайда, ол кезде кеш болды, маған сот үкіімен үш жыл алты ай мерзімге бас бостандығын шектеу жазасы берілді. Пробация қызметінің есебіне қойылғаннан кейін, менімен көптеген тәрбие жұмыстары жүргізілді, қазіргі таңда тұрақты жұмыс орным бар, түзелу жолына тұрдым, алдағы уақыттарда бұндай қателіктер жасамаймын деп өз сөзін аяқтады Б. Сонымен қатар, сот мәжілісіне жәбірленуші Р есімді азаматшада қатысып, сотталғанның шарты түрде мерзімінен бұрын босатылуына қарсы еместігін, және сотталғанға қатысты ешқандай арыз-шағымдары жоқтығын жеткізді.
Пробация қызметі қоғамнан оқшаулауға байланысты жазаларға сотталған азаматтарға әлеуметтік-құқықтық көмек көрсете отырып, олардың түзелуі бағытындағы жұмыстары жалғастыруда.
Г.М.Таткенова, ШҚО бойынша ҚАЖД
Солжағалау аудандық
ПҚБ аға инспекторы
әділет аға лейтенанты
