Өзгеретін, өзгертетін Уақыт!

18 C
Nur-Sultan
20 C
Almaty
24.3 C
Shymkent

Бір күндік жалақы аударуды доғару керек – Экономист «Қазақстан халқына» қоры жайлы

Танымал

Ел аузында

«Қазақстан халқына» қорының қамқоршылар кеңесінің мүшесі, экономист Олжас Құдайбергенов қорға бір күндік жалақыны аудару жайлы тенденцияға пікір білдірді. Оның ойынша, мұндай тәжірибені тоқтатқан жөн, деп хабарлайды Stan.kz ақпарат агенттігі. 

Экономист азаматтардың «Қазақстан халқына» қорынан ақша алуы керек екенін айтып өтті.

«Қазір әскерилер, мемлекеттік қызметкерлер мен жеке компаниялар қорға бір күндік жалақыларын аударуда. Қор мұндай мақсаттарға арналмаған. «Қазақстан халқына» қоры өз кезегінде салықтан жалтарған, қаржысын шетелге шығарған жандарға азаматтық борышын өтеу үшін ашық болуы керек. Сонымен қатар табысы заңдастырылған қалталы азаматтар мен компаниялар да артық қаржысын аудара алады. Әрине, қарапайым тұрғындарға да аз сомманы жіберуге болады. Алайда бір күндік жалақы аудару науқанын доғарған жөн», – деп бөлісті Олжас Құдайбергенов. 

Айта кетейік, 11 қаңтарда Президент Қасым-Жомарт Тоқаев Мәжілісте сөз сөйлеу барысында «Қазақстан халқына» қоғамдық әлеуметтік қорын құру туралы тапсырма берген. 

«Бұл Президент немесе Үкімет, басқа да мемлекеттік орган қоры емес. Бұл – барлық қазақстандықтарға арналған қор. Ол әкімшілік немесе үкімет жанында қызмет етпейді. Арнайы бақылау кеңесі құрылады. Әділ, жауапкершілігі мол басшы тағайындалды. Жұмысы таза, бақылау мен есеп халыққа арналады. Жоспары, бюджеті мен жобалар сайтта жарияланады. Барлық ақпараттар ашық болады», – деді Тоқаев. 

Толық немесе ішінара пайдаланғанына қарамастан, сайт материалдарын пайдаланған кезде міндетті түрде uakytnews.kz сайтына сілтеме жасауыңызды сұраймыз.

Сайт әкімшілігі

Жаңа

Құрбан айтта Алматыда мал соятын арнайы орындар анықталды

Қасиетті Құрбан айт биыл 16 маусымда басталады. Алматыда санитариялық талаптар сақталуы үшін мал сату мен союға, таратуға арналған 14...