Өзгеретін, өзгертетін Уақыт!

29.4 C
Nur-Sultan
26.5 C
Almaty
33.7 C
Shymkent

Қытай шекарасында кедендік бекеттің жетекшілері парамен ұсталды

Танымал

Ел аузында

Қытаймен шекарада «Нұр Жолы» кедендік бекетінің бірқатар лауазымды тұлғаларының қылмыстық әрекеті әшкереленді, деп хабарлайды Stan.kz ақпарат агенттігі Жемқорлыққа қарсы күрес қызметіне сілтеме жасап. 

«28 ақпан күні Алматы облысы бойынша Жемқорлыққа қарсы күрес қызметі Бас прокуратураның ішкі тергеу департаментімен бірігіп Қытай шекарасында «Нұр Жолы» кедендік постының бірқатар лауазымды тұлғаларының қылмыстық әрекетін әшкереледі», – деп хабарланды баспасөз қызметінен. 

50 мың доллар көлемінде пара беру фактісі құжаттандырылғаны хабарланды. Параны қылмысты ұйымдастырушылар бақылаушы органга тексеріс нәтижесін оңды шешіп беруі үшін берген. 

Аталған факті бойынша «Нұр Жолы» кедендік постының жетекшісі мен оның орынбасары ұсталды. Сол сияқты уәкілетті экономикалық операторлардың бір өкілі ұсталды. Ол тексерушілерге ірі көлемдегі контрабандалық тауарларды жасырғаны үшін 30 мың доллар көлемінде пара берген. 

Сотқа дейінгі тергеу амалдары жалғасуда. Өзге ақпарат тергеу құпиясын сақтау мақсатында жарияланбайды. 
 

Толық немесе ішінара пайдаланғанына қарамастан, сайт материалдарын пайдаланған кезде міндетті түрде uakytnews.kz сайтына сілтеме жасауыңызды сұраймыз.

Сайт әкімшілігі

Жаңа

Әлия Молдағұлованың 100 жылдығына арналған тағылымды шара өтті

2025 жылдың 8 мамыр күні Алматы облысы, Еңбекшіқазақ ауданы, Шелек ауылындағы «Ә.Молдағұлова атындағы орта мектеп» қабырғасында Кеңес Одағының Батыры,...