Сәбит Әбдіхалықов жүрегі ауырып, ауруханаға түсті. Продюсер осыдан жеті жыл бұрын инфаркт алған. Содан бері тұрақты түрде дәрігерлерге қаралып келеді, деп хабарлайды Stan.kz ақпарат агенттігі.
Бұл туралы Әбдіхалықовтың өзі Instagram-дағы парақшасында жазды.
«Алматы кардио орталығының дәрігерлерімен медбикелеріне және басшысы Алмат Тұрысбекұлына мың алғыс! Нағыз өз ісінің мамандары. 2016 жылы инфаркт алғанымда аман алып қалды, жеті жылға жуық жүрегімді емдеп келеді», – деп жазды продюсер.
Айта кетейік, биыл ақпан айының басында Әбдіхалықов ұлды болды. Бұл – Әбдіхалықовтың жетінші перзенті. Актердің Айгүл Иманбаевадан бір ұлы, Алтынай Жорабаевадан төрт қызы бар. Сондай-ақ үшінші некесінен екі атұстары өсіп келеді. 50-ге тақаған шағында ұлды болған продюсер оған Абадан деп ат қойды.
