Ұлттық экономика министрі Әлібек Қуантыров Қазақстаннан 30 жылда қанша ақша шығарылғанын айтты, – деп хабарлайды Tengrinews.kz тілшісі.
Орталық коммуникациялар қызметінде өткен брифингте Ұлттық экономика министрінен Президенттің тапсырмасы бойынша Қазақстанға қайтаруды жоспарлап отырған заңсыз шығарылған капиталдың шамамен сомасын атауды сұрады.
«Сомаларға келетін болсақ, бұл қай кезең екеніне байланысты. Негізінен, бірнеше ондаған миллиард доллар бар. Оларды қайтару туралы да түрлі механизмдер қарастырып жатырмыз. Жаңа тәсілдермен қарастыратын болсақ салықтық және салықтық емес ынталандыру шаралары бар. Салық бойынша белсенді жұмыс істеп жатырмыз, ал салықтық емес бойынша да жақсылап қарауымыз керек», – деп жауап берді Қуантыров.
Министрдің айтуынша, бұдан басқа капиталды қайтаруды шаралары Салық кодексінің түзетулер жобасына енгізілген.
«Егер біз, тікелей шетелдік инвестицияларды тартсақ, біздің көлеміміз 30 жыл ішінде 400 миллиард доллардан асады (Инвестициялар). – Ескерт.). Осыған дейін он миллиардтан аса қаражат шығарылған шығар, бірақ нақты соманы айту қиын. Мүмкін, шамамен 100 миллиард доллар болуы мүмкін», – деп жауап берді министр.
