Жетім балаларға арналған “Жанұя” мамандандырылған жаңа кешеннің құрылысы аясында баспасөз-туры өтті.
Баспасөз турына Алматы қаласы әкімінің орынбасары Әсем Нүсіпова, білім басқармасының басшысы Сайран Сайфединов, «Жанұя» СК қамқоршылық кеңесінің төрағасы Рафаэль Хасанов, сондай-ақ BI Group құрылыс компаниясының өкілдері қатысты.
Ескі ғимаратты күрделі жөндеу туралы алғаш рет 2010 жылы айтылды. Биылғы жылы қоғам белсенділері шешім тауып, осындай маңызды жобаны жүзеге асыруға кірісті.
Баспасөз туры барысында журналистерге ескі нысанның бұзылып жатқан жұмыстары көрсетіледі. BI Group құрылыс компаниясының өкілдері жаңа ғимараттың құрылыс кезеңдерімен таныстырды. Олар ең өзекті сұрақтарға жауап береді.
Айта кетейік, 400 оқушыға арналған «Жанұя» жаңа, заманауи мамандандырылған кешені ескі орналасқан учаскеде салынады. Сонымен қатар, оқу және спорт залдары, коворкинг-орталық және т. б. сияқты заманауи ыңғайлылықтармен жабдықталған 200 орындық жатақхана салу жоспарланып отыр.
Бизнестің әлеуметтік жауапкершілігі қағидаттарына сүйене отырып, балалар мен жасөспірімдерге арналған жобаларды жүзеге асырудағы белсенді қайырымдылық қызметімен танымал BI Group компаниясы өз қаражаты есебінен ескі ғимаратты бұзу және жаңа ғимарат салу бойынша барлық жұмыстарды жүргізеді. Компания жаңа заманауи кешен мен жатақхана жасауды жоспарлап отыр.
Ақпарат үшін: Жобаның іске асырылу барысын мәслихат депутаттарынан, Қоғамдық кеңестің, білім басқармасының және басқа да мүдделі органдардың өкілдерінен тұратын арнайы комиссия қадағалайтын болады. Бүгінгі таңда кешеннің 82 тәрбиеленушісі №1 арнайы мектеп-интернатқа уақытша орналастырылды. Жаңа оқу жылының басынан бастап балалар басқа мектептерде уақытша оқиды.
