Кикілжіңге байланысты парламентке полиция шақырылды.
Полиция қызметкерлері журналист Айнұр Коскинаның өтініші бойынша ҚР Парламенті Мәжілісіне келді, деп хабарлайды BaigeNews.kz. Ол бүгін отставкаға кеткен экс-депутат Бекболат Тілеуханмен жанжалдасып қалды.
Айнұр Коскинаның айтуынша, ол Мәжіліс ғимаратында экс-депутаттан сұхбат алмақ болғанда депутат оған күш қолданған. Журналист арыз жазуды көздеп отыр. Оның сөзінше, экс-депутаттың қолы бет жағына тиіп кеткен және моноподы екі бөлініп қалған.
Бекболат Тілеуханмен болған оқиғадан кейін Айнұр Коскина полицияға хабарлаған. Ал экс-депутат Парламент ғимаратынан шығып кеткен. Полиция қызметкерлері біраз уақыттан кейін келген.
Экс-депутаттың көмекшісі оқиғаға қатысты пікір білдіруден бас тартты.
