Журналисттің кәсіби қызметіне кедергі келтіріп, қол жұмсады деп айыпталған Бекболат Тілеуханов Айнұр Коскинадан кешірім сұрап, айтылған артық сөздерін қайтып алғанын айтты. Нұр-Сұлтан қаласында экс депутатқа қатысты әкімшілік сот басталған болатын деп хабарлайды Stan.kz ақпарат агенттігі Информбюро 31 арнасына сілтеме жасап.
Сот процессі кезінде екі тарап та болған жағдайды айтып берді. Айыпталушы шенеунік өзіне тағылған кінәні мойындамады. Керісінше жәбірленушінің жала жауып, ар-ожданын таптағаны үшін сотқа жүгінетінін айтты. Куәгерлердің талқылауға қатысуына байланысты сот 24 қаңтар дүйсенбі күніне ауыстырылды. Жәбірленуші тарап болса куәларды келесі процеске қатыстырмауын өтінді.
