«Қазіргі таңда жаппай тәртіпсіздіктерге байланысты уақытша ұстау изоляторларында 18 шетелдік азамат бар. Оның 14-і Өзбекстанның, екеуі Ресейдің және тағы екеуі Қырғызстанның азаматтары», – деді уәкіл.
Сондай-ақ, ол қамаудағыларды ұстау жағдайы туралы мәліметтер айтты.
«6 қаңтардан кейінгі алғашқы 48 сағат ішінде уақытында ауызсу берілмеген, тамақты жеткіліксіз берген жайттар анықталды. Уақытша ұстау изоляторларында адамдардың барынша көптігімен байланысты проблемалар болған. Кейін ахуал реттелді. 10 қаңтардан бастап ұсталғандардың бәріне үйден сәлемдеме алуға рұқсат берілді. Бүгінде тамақтану нормативі сақталып отыр. Бірақ тамақтың сапасына байланысты бірнеше шағым бар», -деді Эльвира Әзімова.
