Ұлы ер жетіп, ене атанудың алдында тұрған Жазира Байырбекованың сұлулығына, дене бітіміне тамсана қарайтындар көп. Осы ретте оған фанаттары тарапынан сансыз сауалдар жолданады. Байырбекова жас болып көрінуінің құпиясын ашты, деп хабарлайды Stan.kz ақпарат агенттігі.
Әншінің сөзінше, бірқалыпты салмақты ұстап тұруы күйеуі Жанболаттың еңбегі.
“Қалай толып кетпей бірқалыпты жүресіз?» – дейді. Күйеуімнің арқасы. Жәкең маған 25 жылдан асса да, жаңадан үйленгендей қарайды. Қалай дейсіздер ма? Мен онымен тәулігіне 24 сағат біргемін. Маған күнде «әйел қандай болу керек» деген сабақ өтеді. «Олай істеме, былай істе, мынаны ки, мынаны киме, ана жаққа бар, мына жаққа барма, мынандай әңгіме айт, мынандай әңгіме айтпа» деген сияқты ғой. Егер өз білгеніммен жүре беретін болсам, Жәкең өте жұмсақ болса, мінезі жайлы болса, толып кететін шығармын. Осындай болғаныңа рахмет, Жәкем!» – деп жазба қалдырды әнші желідегі парақшасында.
