Өзгеретін, өзгертетін Уақыт!

16 C
Nur-Sultan
24.9 C
Almaty
24.3 C
Shymkent

Қазақстандықтар Мәжілістің 29 депутатын сайлай алады – министр

Танымал

Ел аузында

Әділет министрі Қанат Мусин қазақстандықтар Мәжіліс депутаттарының кейбірін тікелей дауыс беру арқылы сайлай алатынын айтты, – деп хабарлайды Tengrinews.kz тілшісі.

Сондай-ақ, президент Жолдауына сәйкес елімізде депутаттарды сайлау жүйесі өзгеріп жатқанын атап өтті.

«Егер қазір Мәжіліс депутаттары партиялық негізде сайланатын болса, енді депутаттардың 30 пайызы тікелей қазақстандықтар сайлайтын аумақтан, ал 70 пайызы партиялық тізім бойынша сайланатын болады», – деді ол.

Мусин бүгінде Сенат депутаттарын аумақтан халық сайлайтынын, бірақ заңда белгіленген квотаға сәйкес оларды тікелей халық емес, мәслихаттар сайлайтынын баса айтты.

«Жаңа өзгертулер Мәжіліске сайлануға мүмкіндік береді, бұл Парламенттің тағы бір палатасы, аумақтық сайлау округтерінен 29 депутат тікелей халықтың тікелей сайлауы арқылы сайланады», – деді министр Орталық коммуникациялар қызметінде өткен брифингте журналистердің сауалдарына жауап береіп.

Оның айтуынша, белгілі бір аумақтан халық сайлаған депутатты өз міндеттері мен сайлау алдындағы уәделерін орындамаған жағдайда сайлаушылар кері шақырып алуы мүмкін, яғни депутаттық мандатынан айырылуы мүмкін.

«Сенатты құру тәртібі де өзгеріп жатыр. 15 депутаттың орнына 10 депутатты Президент тағайындайды, оның бесеуін өз қалауы бойынша, 5-ін Қазақстан халқы Ассамблеясының ұсынысы бойынша тағайындайды», – деп еске салды министр.

Толық немесе ішінара пайдаланғанына қарамастан, сайт материалдарын пайдаланған кезде міндетті түрде uakytnews.kz сайтына сілтеме жасауыңызды сұраймыз.

Сайт әкімшілігі

Жаңа

Құрбан айтта Алматыда мал соятын арнайы орындар анықталды

Қасиетті Құрбан айт биыл 16 маусымда басталады. Алматыда санитариялық талаптар сақталуы үшін мал сату мен союға, таратуға арналған 14...