Ural Motorcycles бас директоры Илья Хаит компания мотоцикл өндірісін Қазақстанның Петропавл қаласына көшіретінін айтты. Бұл туралы ол компанияның YouTube-арнасына берген сұхбатында мәлімдеді, – деп хабарлайды Tengrinews.kz тілшісі Lenta сайтына сілтеме жасап.
Өндірісті Свердловск облысының Ирбит қаласынан көшіру туралы шешім санкцияға ұшыраған құрамдас бөліктер болмауына, сондай-ақ Ресейден техникалар импорттауға тыйым салынуына байланысты шығарылған. «Урал» мотоциклінің көпшілігі батыс елдеріне, соның ішінде АҚШ-қа жеткізіледі.
Дегенмен, Ирбит мотоцикл зауытының (ИМЗ) өзінде жұмыс жалғасады: онда мотоциклдерге арналған жақтаулар мен корпус элементтері шығарылады.
