Жылдың екінші жартысында Алматыда электр энергиясы үшін ай сайынғы төлем бизнес пен тұтынушылар үшін тарифтерді біріздендіру бойынша пилоттық жобаны іске қосу аясында орта есеппен 200-300 теңгеге өседі, деп хабарлайды Stan.kz ақпарат агенттігі.
Бәсекелестікті қорғау және дамыту агенттігінің ақпаратынша, бүгінгі таңда энергиямен жабдықтаушы ұйымдардың тарифтері тұтынушылардың топтары бойынша сараланады: тұрмыстық, заңды тұлғалар және бюджеттік ұйымдар.
«Бұл ретте тұрмыстық тұтынушылар үшін тарифтер заңды және бюджеттік тұтынушылар үшін жасанды арттыру есебінен төмендеу жағына қарай сараланады. Нәтижесінде бүкіл ел бойынша ШОБ жыл сайын 31 миллиард теңгені артық төлейді», – деді агенттік басшысы Серік Жұманғарин.
Осылайша, Қазақстанда кәсіпкерлікті дамыту жөніндегі ұлттық жоба шеңберінде бірнеше жыл ішінде тарифтерді саралауды кезең-кезеңімен қысқарту және алып тастау бағдарламасы көзделген.
«2 наурызда ел Президентінде энергетика және инженерлік инфрақұрылымды дамыту мәселелері бойынша өткен кеңесте бұл жұмысты пилоттық режимде үш өңірде – Алматы, Батыс Қазақстан және Қостанай облыстарында бастау тапсырылды»,-деп толықтырды агенттік төрағасы.
ҚР ҰЭМ ТМР электр энергетикасы басқармасының басшысы Кенжеболат Көшекбаевтың айтуынша, саралау нәтижесінде реттелетін энергиямен жабдықтаушы ұйымдардан заңды тұлғалардың тұтынушыларының кетуі проблемасы туындады, бұл соңғы тұтынушы үшін тариф деңгейіне де әсер етеді. Саралауды кезең-кезеңімен жою электрмен жабдықтау қызметтеріне төлемдер бойынша бюджет шығындарын қысқартуды көздейді, бұл бос қаражатты халықтың атаулы мұқтаж топтарына жіберуге мүмкіндік береді.
«Пилоттық жоба аясында Алматы тұрғындары үшін электр энергиясы үшін ай сайынғы төлем құны тұтынылатын энергия көлеміне байланысты орта есеппен 200-300 теңгеге артады. Халықтың әлеуметтік мұқтаж жіктері үшін тариф өзгермейді – айырманы оларға атаулы тұрғын үй көмегі есебінен мемлекет субсидиялайтын болады», – деп мәлімдеді ҚР АЗРК баспасөз қызметі.
Электр энергиясына тарифтерді саралауды алып тастау бойынша пилоттық жобаны іске қосу 2022 жылдың екінші жартыжылдығында күтілуде.
