Белгілі қазақстандық кәсіпкер Қайрат Боранбаевты қамауда ұстау мерзімін тағы бір айға ұзартты, деп хабарлайды Stan.kz ақпарат агенттігі. Бұл жөнінде Астана қалалық сотының сайтында жазылды.
«Астана қаласының мамандандырылған ауданаралық тергеу соты күдікті Қ.С. Боранбаевқа қатысты белгіленген күзетпен ұстау түріндегі бұлтартпау шарасының мерзімін 1 айға ұзартты», – делінген дүйсенбі күні тараған ақпаратта.
Еске салайық, Қайрат Боранбаев 2022 жылдың наурыз айынан бері қамауда отыр. Ол квазимемлекеттік секторда аса ірі көлемде қаржы жымқырды деген күдікке ілінген.
