Өзгеретін, өзгертетін Уақыт!

18.8 C
Nur-Sultan
25.9 C
Almaty
32.7 C
Shymkent

Кесене жанында жол ережесін өрескел бұзған жүргізуші жауапқа тартылды

Танымал

Ел аузында

Түркістан облысының полицейлері әлеуметтік желілерге мониторинг жасау кезінде, жол қозғалысы ережесін бұзған жүргізушінің бейнежазбасын анықтады. Яғни ол көлік жүруге болмайтын Қожа Ахмет Яссауи кесенесінің алдындағы аллеяда “Hyundai Sonata” автокөлігімен жүріп өтіп, жаяу жүргіншілерге қауіп төндірген.

Осы бейнежазбаға орай Түркістан қалалық Полиция басқармасының қызметкерлері дереу іздестіру шараларын жүргізді. Нәтижесінде құқық бұзушы көлік жүргізушісін, жас жігітті анықтады. Ол Сауран ауданының тұрғыны болып шықты.

Анықталғандай, жүргізуші кесене маңындағы тамақтану орнынан шығып, жол қысқарту ниетімен заңды бұзған. Ол өзінің кінәсін толық мойындап, алдағы уақытта қайталамайтынын жеткізді.

Қазіргі таңда жас жігітке қатысты ҚР ӘҚБтК-нің 597-бабының 2-бөлігі (Көлік құралдарын тротуарда тоқтату немесе оның тоқтап тұру қағидаларын бұзу, сондай-ақ көлік құралдарын гүлзарларда, көгалдарда, балалар немесе спорт алаңдарында тоқтату немесе оның тоқтап тұруы) бойынша хаттама толтырылып, көлік айыптұраққа қойылды.

Түркістан облысы ПД баспасөз қызметі

Толық немесе ішінара пайдаланғанына қарамастан, сайт материалдарын пайдаланған кезде міндетті түрде uakytnews.kz сайтына сілтеме жасауыңызды сұраймыз.

Сайт әкімшілігі

Жаңа

Егіз қыздардың ерекше оқиғасы: IQanat кәсіпкері олардың жұбы жазылмауына қалай көмектесті

Айым және Гүлім Орынбасар – Түркістан облысының Қазығұрт ауылында туған егіз қыздар. Олардың екеуі де ауыл балаларына тегін білім...