Танымал әнші Дана Кентай концерттердің бірінде қалыңмалы қанша екенін айтты, – деп хабарлайды Massaget.kz тілшісі.
Өнер иесі бітірген оқу орындары мен әндерін санамалаған. Алайда кейінірек әнші бәрі әзіл екенін жеткізген.
«Қалыңмалым қанша миллион деймін? Мен енді консерватория бітірдім, магистратура оқыдым, қос-қос қызыл дипломым бар, қанша хит әндерім бар. Қалыңмал қанша дейміз, апа? «20 деді» ана жақта. Қалыңмалым – 20 миллион. Жақсы жігіт болса болды, өзіміздің қазақтың, иманды, қазақи мінезді. Қалыңмалы керек емес, тегін бара беремін», – дейді әнші әзілдеп.
Желі қолданушылары әнші қарапайым жан екенін айтып, отбасында ең бастысы бақытты болу екенін жеткізген.
«Ең бастысы, жастардың бақытты болғаны, дүние-мүлік махаббат болмаса, қалатын дүние», «Тезірек өз бақытыңызды табуыңызды тілейміз, қарапайым жансыз», «Керемет, қарапайым сүйіп тындайтын әншімсіз. Қылықтарыңыз өзіңізге жарасады. Бақытты бол!» – дейді пікір жазғандар.
